رئيس مجلس الإدارة
محمد علي حسن
اسعار السيارات.. البيض ..البنزين ..استشارة الدكتور… وشقق بالملايين…!!!!؟؟؟
اسعار السيارات.. البيض ..البنزين ..استشارة الدكتور… وشقق بالملايين…!!!!؟؟؟
  • الإداره
  • 14/10/2018
  • 671

مازال ارتفاع أسعار السيارات في السوق غير مفهوم وغير مبرر وأصبح غير مرحب به على الإطلاق وكان الجميع يسير إلى حافة بركان لن تأكل الا أهله أولا وهم من يعمل في هذا السوق الذى يجنى علية وكلائة وموزعينه  قبل اى احد آخر في الوقت الذى نعلم جميعا فيه أننا سوق ربع سنوى وفقا لفترة التعاقد ووقت الشحن والارتباط بالعملة وخاصة الدولار الجمركي الا اننا ودائما في حالة زيادة في الأسعار..مستغلين  اى حدث أو اى قانون أو ضريبة لعناصر أخرى ليس لها اى ارتباط بالسوق ونقوم على الفور بزيادة الأسعار…زى تاجر البيض بالظبط ليس له علاقة بالدولار لا السوقي ولا الجمركى  بس هو كمان بيغلي  سعر البيض وتسأله  يقولك هيه وقفت  على البيض كل حاجة غليت  يا باشا  احنا كدة بالظبط زاد الدولار السوقي نعم زاد  في حين لم  يتحرك  سعر الدولار الجمركى  على حد علمى  الا اننا وبالرغم من أننا تعاقدنا  على طلبيات  سيارات من ثلاث شهور في وقت كان الدولار اقل وسعر الدولار الجمركي ثابت الا اننا بزيادة سعر البنزين وأجرة المكروباص  زادت  أسعار السيارات …ولا  ايه  دة الدكتور اللي هو لا علاقة بيه بالدولار لا دة ولادة الباشا زود  الكشف بس المرة دى طلع ناصح  ساب الكشف زى ما هو 150جنيها وقالك  الاستشارة اللي قانونى ببلاش  بقت  ب 50جنيها …يالله اصلها بقت بظرميتة  في الصالون …حكومة بتلم فلوس وشعب عشان يعيش بقي هو كمان يلم من بعضة فلوس ..وسلملى  على اى حاجة في اى حاجة على اى حاجة …

شقق بالملايين..وسيارات بالملايين…هو انا عايش في بلد تانية

بسم الله الرحمن الرحيم ..في الاول كدة كم اعلانات الكمباوند  في شهر رمضان كان رهيب بشكل غير طبيعى سيطرت  تلك الإعلانات على كل الطرق والقنوات  التلفزيونية ومنها من هو في التجمع الخامس وأخرى في مشروع العاصمة الإدارية واعتقد انها مش هتبقي إدارية قوى يعنى لكم الكمباوند فيها واللي الشركات الخاصة والجيش شغال فيها الآن والأخرى طبعا على الساحل والعالمين   و…..اه..واه …من تلك الأسعار التى سمعتها وأسعار الأمتار والمساحات ..الشقة يا جماعة لا تقل عن مليون ونصف وطبعا لسة ب 2مليون واعلى بس كل دة حسب المساحة والرؤية …حمام سباحة …حديقة …ام خالد البقالة  ….المهم والاهم هي الشقق دى الغرض منها ايه يعنى ايه ادفع 450الف جنيه مقدم وقسط الباقي على 7سنوات وطبعا فيه 3سنوات ..طب والله  فيه سنتين كمان والاجمل هو ابراج العلمين الله يبارك فيهم الشقة وصلت 3مليون ولازم تدفع جدية حجز  150الف بشيك عشان يتكلموا  معاك  عجبك  اوك نكمل لم يعجبك  خد يشكك ومع السلامة طبعا لما يطلع عين امك …الأغرب بقي كم السيارات التى شهدتها الفترة الأخيرة

أيضا تقدم في مصر مازيراتى ولكزس  ..وغيرها   وملايين رايحة وجاية …انا قربت  اروح مستشفي المجانين الناس في فيصل كل 100متر واحد شحات وسيدات محترمات  ارتدين  النقاب  لغرض مد اليد للحاجة  ..وملايين رايحة وجاية …..حد فاهم حاجة